MANUAKU WAKU tomene vova: O MONO YI N'SI KONGO NGINANGA.

Moko kya Sebastiâo Kupessa

PEDRO FELIZ yi kumbu kawutikila kuna  mbanza ya Leopoldville, wunu Kinsasa, kuna Kôngo Belezi. Nkansi, yandi zayakene muna zina dya MANUAKU WAKU, tangu za Nkaka, bokilwanga muna nkumbu'a PEPE FELLY. Muna nvula funda di mosi ye nkama vwa ye makumasambanu ye vwa ( 1969), ye bakundi bandi bankaka, basala kinvuka kya masikilu, muna nkumbu kya ZAIKO LANGA - LANGA. Wakala m'fumu'a kyo kinvuka, tuka mvula kumi ye mosi, nkansi tomene zayakana muna nza ya Filika ( África ), nze n'siki'a sanzi wa nene, wakuma  longi  wa mpwena, muna salu kyokio. Tuka mvula makumatatu ye tatu, yandi  lawukisanga, kinisanga eh batu muna makinu, kadi sanzi kasikanga kivwudi  tomwa, wunanga mpe m'vangi a kunga wanene. Muna luzolo lwani, wayiza kututala, yi dina twalomba muna luzitu luawukulu, muna lu dodokolo mvimba, twa kala ye moko, twa tula eh ngwivu ( mfula ), "zi tatu" mu diambu twa zaya eh nkadilu, salu, ye luzingu lwa "zulunkulu" MANUAKU WAKU. Eh Kyaki moko kivangamene muna Kiko'ongo ( kadi muna kiko'ongo tumokene). Nkasi, bosi tuvangulula (balukisa) muna ndinga ya mputulukezo, muna lukaya lwa nkaka, mu ya nzila ya sanga ngunga (internet), muna fulu kya nsamu ( site) kya kongo, muna zina dya www.muanadamba.net.

Muana Damba: Kyambote kyaku, mfumu Manuaku. Muna luzitu ngi ta sosa mokina ye ngeye, bika wa sakumunwa muna kumbu'a Nzambi a Mpungu.

Manuaku Waku: Kyambote kyaku, mavimpi?

Matondo, nginanga ye mavimpi. Kiese kibeni mumokina ye  ngeye. Kunanga ye kunga mya mpa ko?

 Ingeta, mvuidi e kunga mya mpa. Eh Nkunga myawukulu minanga muna Nkutu mosi, muna kumbu wa REGARDS CROISÉS.

 Muna kunga mya mpa vayikisi, vankatu kunga wa kikongo?

Muna nkutu wa kunga REGARDS CROISÉS, wuvuidi kunga mosi wa kikongo muna zina dya KIZIMBANAKO.

 Eh nsi'aku kweyi yinanga? Kuna Kongo-Kinsasa wawutuka, ku wasadila eh salu kya sika nsanzi, tuzeye vo, ma sé maku ku Ngola ba tuka. 

Vo tula yi muana Ngola, esi Kongo-kinsasa bosi a fwema. Vo tula mpe muana Kongo - Kinsasa eh bana ba Ngola bosi a dasuka! O mwana muntu buyi i sila mu mo mambu? bueyi i sila?

O mono Mwana Ngola yi tula, kadi mwana nyoka, nyoka kwani kenanga. Kuna Ngola ma sé maku, nki vata batuka, kuna Kuimba, Serra de Kanda?

O mono y n'si Kongo nginanga, masé mama kuna Mbanza Kongo batuka. 

Tomene zaya LUVILA lwaku?

Kanda dia me, VEMBA Ne LUKENI.

Ki sé Kyaku?

Kuna ki tata SENGI A VEMBA

Tata Oliveira, yandi mpe watuka kuna Mbanza Kongo, wakun'zaya?

Nkaka'me. O mono i tekolo kua nkaka Emmanuel D'Oliveira savo sanzi ngi sikanga ka bena ba bidi bana ba tomene yo zayila nsasa, ka sikanga ba bidi ko.

Ngola nsi a ma sé maku. Nki lumbu vutuka kuna Ngola?

Nza ya mvimba ya kubama kua yeto, nkonso muntu vana ka muene luvuvamu lenda kuani ko zinga, savo mu baka luzingu luaku mpagi, mbe ku suisse zingilanga, vo mambu mambote kuna ngola se zieta kaka, mu kuba meso kua ba mpangi  vutuka , vo nzambi o songele fueti kubama, gidika fulu ye luzingu

Ngeye sikanga eh sanzi. Tomene zayakana mu nsi ya Filika. Kuna Ngola Kutomene zayakana ko, nki lumbu kwenda sika kuna nsi za Nkaka zaku?

Ba organisateur ngi ta sosa.

Kinvuka kya Zaiko Wawa kia fwa, weyi kuenda sikila e masikilu kuna Ngola?

Savo mambu ma salu ma soba, mono mosi i zietanga, batu basikanga eh masikilu kuna ngola bena wuila.

Bana ba Mbanza Kongo, mputulukezo bavovanga kuna kinsasa, yo ndiga ze yo vova?

Kiko'ongo yi vovanga ye ndinga za kanka za kinzenza. Eh Mputu Lukezo kizeye vova ko. 

Se nfoko, M'fumu Manuaku, matondo.

Matondo meno.