NSYAME

Kwa Makunza Tungu ” Tony Sofrimento”

NSYAME

1

E yayi I nsiyame kuna nsi ya ntangu

Twa zingilanga tuka muna lubantiku

Tumwene ema ye mena

Tusawkidi nzadi ye nkoko,

Tutombokele myongo, tovokele ndimba,

Tudyete e nzanza ye makanga.

I kwaku ye zikila e nkumbame,

E yayi I nsyame.

Eeee, Nsyame vena ntenda nkongolo

Yansisila e ankulu ame

Lumbu yawonsono ya zingu kyame

I tondanga Nzambi Muna nfinda,

maza ye ntoto mya mfunu.

2

Nsyuka myawonsono

muna ntangu e mwini

ka sundanga e mpipa

Meso mame ma talanga kuna Zulu

E mwini u lwekanga e meso mame

Kansi e tondo dya luta e tezo

3

Mu mona ngina

e Nvwazi a Nkento Tutanga

e luku ka dikila e lumbu lwani

muna su kya valwa Mbwene

e Kesa dya Yakala kuna simu

a ba Ngazi za vya se ka zenga

4

Sambu kya lumbu

ye lumbu kansi ntangu

ka ilwaki I sikameswa

kwa nsiki a masikilu

Yakonda konda vena

makinu muna mpimpa

Ya wa ngimbilu, makinu,

nsavu ye infwanikinu ya nlongo.